جواية حزن كبير
دايما ملوش اخر
جواية جرح العمر
بيسافر
لا شكيت فى
يوم للناس
ولا اشتكيت
منهم
عايش ما بين الناس
حاسس باوجاعهم
عم يصرخوا يا زمان
وانتا بتبيعهم
ما انا اصلى
زى الصخر
زي الجبل راسخ
ويوم ما اقول الحق
مخفش من باطش
انا اصلى زي البوق
لازم اكون صارخ
شربت مر الصبر
من الايام وبلاويها
وجتتي نحست
م البرد
فى عز لياليها
لما صرخت فى
وش أعاديها
قالوا حرام يا ابني
تعيش فيها
عايش ما بين
المنفى
والاحزان
سجنوني ما بين
جدران
وصوا عليا
خازن السجان
وانا قولت جنتي
بصدري
فى أى مكان
أعيش وحيد
فى منفى
ولا أموتش
فى وطني جبان
جواية حزن كبير
دايما ملوش أخر
ما انا اصلى زي النيل
دايما همومي تفيض
ولما أقول الشعر
حزني ملوش أخر